Столбот на одбраната на Реал Мадрид се враќа токму кога ќе биде и најпотребен

Дефанзивецот на Реал Мадрид, Едер Милитао се опоравува од тешката повреда и наскоро би можел да се врати на теренот.

Бразилецот и лидер на одбраната на Реал Мадрид доживеа тешка повреда на лигаментите на коленото уште во август и тогаш се најавуваше дека за него тоа е крај на сезоната.

Сепак, опоравувањето на Милитао тече одлично и тој веќе тренира со топка и според најавите би можел да заигра во април.

Бразилецот тогаш би се вратил по осум месеци што и е предвидената пауза за таквиот вид на повреда (предните вкрстени лигаменти). Мадритските медиуми пренесуваат дека Милитао може да се врати когаќ е биде најважниот период во сезоната.

Реал секако ако се пласира тогаш би го очекувало четвртфиналето во Лигата на шампионите, а тука и завршницата од сезоната во Ла Лига каде што се борат за титулата.