„Старата дама“, купува во Каталонија?

Екипата на Јувентус во летниот преоден рок има намера во своите редови да доведе еден фудбалер на Барселона, пренесуваат шпанските медиуми.

„Бјаконерите“ минатото лето од Барселона го доведоа Дани Алвеш и не згрешија, сега нивна мета е Рафиња, за кого се спремни да понудат 25 милиони евра.

Рафиња оваа сезона настапи на 33 натпревари, но не успеа да обезбеди место во првиот тим, па поради тоа се шпекулира дека е спремен да ја напушти  Каталонија.

Договорот на фудбалерот со Барса има важност уште три години, но „старата дама“ е спремна да ја тестира одлучноста на Барселона.