Српски второлигаш ја прегази Победа со 8:0 и порача: Се чувствуваме измамено!

Прилепска Победа претрпи понижувачки пораз од српскиот второлигаш Лозница со 8:0 во пријателски меч.

Прилепскиот тим настапи со вториот тим и со неколку фудбалери кои се на проба, па српскиот клуб ја обвини Победа за аматеризам.

Тренерот на Лозница, Небојша Нешковиќ беше лут и изјави дека се чувствува измамено.

„Противникот не беше адекватен, не беше на нивото на кое ние сакавме да биде. Очекувавме Победа да игра во најсилен состав, екипа која може рамноправно да ни парира. Доаѓаат од првата лига на Македонија, значи квалитетен противник, а искрено тие направија еден комбиниран состав. Се чувстувам малку измамено, па затоа со сета почит една замерка за потценувачкиот пристап од нивна страна“, изјави Нешковиќ.