Спалети за зборовите на Гвардиола: Тоа е обична игра

Пеп Гвардиола изјави дека Наполи е најдобриот тим во Европа, и истакна дека е фаворит за освојување на Лигата на шампионите.

Меѓутоа, тренерот на Наполи, Лучијано Спалети не е импресиониран од пофалбите на Гвардиола.

Напротив, Спалети смета дека тоа е само игра на тренерот на Манчестер Сити.

„Не се чувствувам горд на овие коментари. Знам дека тоа е само обична игра и ривалите се обидуваат да стават притисок врз нас“, изјави Спалети.

„Мислите сериозно дека Наполи може да се стави пред Манчестер Сити?  Како ние можеме да бидеме пред нив кога тие трошат 900, а ние 9 милиони евра. Јасно е дека тоа се само обични игри, зборови со кои се обидуваат да не пореметат и потоа да не срушат.“