Соработка на релација Манчестер – Торино: Јувентус ги сака Дармијан и Марсијал, а Јунајтед Манџукиќ!

После Пол Погба за кого го во 2016 година го срушија светскиот рекорд и платија 105 милиони евра, Манчестер Јунајтед би можел повторно да купува од Јувентус.

Како што пренесуваат медиумите на Островот, Жозе Мурињо е заинтересиран во своите редови да го види Хрватот од редовите на „старата дама“ – Марио Манџукиќ!

На Португалецот му е потребен фудбалер од негов калибар кој може да помага и во одбраната, а според информациите Мурињо веќе го контактирал напаѓачот кој и претходно се поврзуваше со заминување од Јувентус.

Место за Манџукиќ на „Олд Трафорд“ би можело да се отвори и со заминувањето на Ентони Марсијал кој е токму на мета на Јувентус, па ова прилика и двете страни да го добијат тоа што го посакуваат. Покрај Марсијал, „старата дама“ претходно на големо се поврзуваше и со Матео Дармијан.

Договорот на Манџукиќ со Јувентус истекува во 2020 година, но како што споменавме Хрватот веќе се поврзуваше со заминување и големи се шансите наредната сезона да го гледаме во друг дрес.