Солскјер: Санчо се вклопува во традицијата на Јунајтед, едвај чекам да го видам на теренот

Џејдон Санчо денес беше промовиран како нов фудбалер на Манчестер Јунајтед.

Задоволство од трансферот на Санчо искажа и тренерот Оле Гунар Солскјер. Норвежанецот позираше со новото засилување и не го криеше воодушевувањето од засилувањето кое навивачите толку долго го чекаа.

„Џејдон е играч кој подолго време се обидував да го донесам во клубот, станува збор за напаѓач кој се вклопува во традицијата на Манчестер Јунајтед. Со нетрпение чекам да го видам неговиот раскошен талент, головите и асистенциите кои ги имаше во Борусија зборуваат сами за себе. „Олд Трафорд“ ќе му јададе потребната поддршка за да се докаже на највисоко ниво. Веќе покажа голема храброст кога замина да се докажува на страна“, истакна Солскјер.