Солскјер не крие: Би се вратил во Јунајтед да го наследи Тен Хаг

На Тен Хаг не му оди во Манчестер Јунајтед, па низ медиумите се споменуваат и имињата на неговите можни наследници.

Сега се огласи легендарниот Оле Гунар Солскјер кој во претходниот период одби неколку понуди од клубови од САД и Саудиска Арабија.

Норвежанецот не криеше и истакна дека ако добие понуда од Јунајтед истата би ја прифатил.

„Ако семејството ве праша, секако дека одговорот би бил „да“. Не би сакал да зборувам повеќе бидејќи Јунајтед има тренер и не е во ред“, изјави Солскјер.

Солскјер на клупата на „црвените ѓаволи“ беше во период од 2018 до 2021 година, а како главен тренер ги водеше уште Молде и Кардиф. Исто така од 2008 до 2011 година работеше со резервите на Јунајтед.