Соиграчот на Јокиќ потпиша договор вреден 133 милиони долари

Aрон Гордон се согласи на продолжување на соработката со Денвер и според информациите на американските медиуми потпишал договор на четири години вреден 133 милиони долари.

Со овој потег Денвер обезбеди еден од своите најважни играчи, а соработката има важност до сезоната 2028/2029. Минатата сезона Гордон имаше просек од 13.9 поени и 6.5 скока и 55.6% шут.

Во Денвер пристигна во 2021 година, а претходно шест ипол години настапуваше за Орландо.