Скандал во Норвешка: На допинг тест повикани Халанд и двајца починати фудбалери

Пред натпреварот од Лигата на нации на Норвешка против Казахстан, во репрезентацијата на Норвешка добиле чудно барање од антидопинг агенцијата.

 Побарано било петмина нивни играчи: Ерлинг Браут Халанд, Јорген Странд Ларсен, Антонио Нуса, Оскар Боб, Ејнар Гундерсен и Јорген Јуве, да бидат тестирани.

Станува збор за Ејнар Гундерсен, кој починал во 1962 година, и Јерген Јуве кој починал во 1983 година.

„Веднаш прашавме дали се сериозни или се работи за скриена камера. Веројатно го погледнале рангирањето на најдобрите стрелци при изборот“, изјави селекторот Стале Солбакен.

„Гундерсен и Јуве беа повикани малку доцна, мислам дека тестовите ќе бидат негативни“, се пошегува Солбакен.