Сити во големи проблеми: Пеп ќе мора да игра со втор тим против Звезда?

Тренерот на Манчестер сити, Пеп Гвардиола се соочува со големи проблеми пред мечот против Црвена Звезда во Лигата на шампиони (ЛШ).

„Граѓаните“ имаат голем број повредени фудбалери, апа поради тоа Гвардиола најави дека против српскиот тим ќе настапи со втор состав.

„Ќе има натпревари на кои ќе мора да играме со фудбалери од вториот тим. Не можам да сметам на Кевин Де Брајне, Џон Стоунс, Матео Ковачиќ, Џек Грилиш и други. Ќе видиме кој ќе биде подготвен за мечот против Ц. Звезда“, кажа Гвардиола.