Сите мислеа дека е пред отказ, а Гатузо сега – доби награда!

Кога Никола Калиниќ го напушти Хајдук, многумина во регионот мислеа дека неговиот избор за тренер Џенаро Гатузо, исто така, наскоро ќе го напушти клубот, но тоа не се случи, а сега Италијанецот е и во многу подобра позиција.

Имено, Гатузо е избран за тренер на месецот во хрватското првенство.

Гатузо го предводеше Хајдук до првото место на табелата со пет победи, три нерешени и без пораз, исто како и Риека со која Хајдук го дели врвот на табелата. Италијанецот може да се пофали и со победа во најголемото дерби во хрватскиот фудбал, во кое Хајдук го победи Динамо на Максимир со резултат 0:1.

Хајдук во септември го има и најдобриот играч на првенството, поточно Марко Ливаја, за кого ова е втора месечна награда по ред.