Симеоне нема дилеми и јасно порача кој за него е најдобар во светот

Aтлетико Мадрид вчера стигна до победа во рамките од второто коло во Лигата на шампионите, а еден од најдобрите поединци кај „јорганџиите“ беше францускиот напаѓач, Антоан Гризман.

Пресреќен поради одличниот настап на својот напаѓач беше и Диего Симеоне кој после натпреварот јасно порача дека за него Гризман е најдобриот фудбалер во светот.

„Го кажав тоа и претходно, сега ќе го повторам – за мене Гризман е најдобар во светот! Ја освои Лигата на Европа, Светското првенство, УЕФА Суперкупот и беше втор во лигата каде што играат Реал Мадрид и Барселона. Одлучи да остане во Атлетико и сега ужива. Ова се важни моменти во неговата кариера“, изјави Симеоне.

„Јоргнаџиите“ против Клуб Бриж славеа победа од 3:1.

https://www.youtube.com/watch?v=3zaRhUuI8f4