Во последниот период многу се коментира за можни промени во светскиот фудбал, а позната и „војната“ меѓу ФИФА и УЕФА околу планираното Светското првенство на две години од страна на ФИФА. Сега нова идеја имаат челниците на европската куќа на фудбалот.
Италијанската „Газета“ објави дека УЕФА размислува да ги покани Бразил и Аргентина да играат во Лигата на Нации како најголеми репрезентации од Јужна Америка. Ова би било дел од соработката на УЕФА и КОНМЕБОЛ, двете конфедерации кои остро се спротиставуваат за идејата на Мундијал на две години.
Планот е Бразил и Аргентина да бидат дел од завршницата на фајнлфор турнриот, каде што би имало две групи по три селекции и по две селекции би обезбедиле полуфинале. Сепак, има и друга опција, тоа е да бидат дел од групната фаза. Тоа и не би било толкав проблем затоа што скоро сите репрезентативци и на двете селекции играат во Европа, па лесно би се собрале, дури голем дел од нив би имале пократки патувања. Единственото нешто кое ќе треба да се реши е што терминот се поклопува со мунидјалските квалификации.
Учество во игри на среќа е дозволено за лица со 18+ години. Играј одговорно!