Се очекуваше да биде еден од најважните во проектот на Милан, а сега се сели во Турција?

„Росонерите“ доведоа голем број засилувања и поголемиот број од нив беа означени како промашувања.

Еден од нив секако е фудбалерот од средината на теренот, Хакан Чалханоглу кој е на чекор од заминување од „Сан Сиро“ после само шест месеци.

Иако минатото лето пристигна како големо засилување од Баер Леверкузен за 22 милиони евра, турскиот репрезнтативец не ги оправда очекувањата.

Фудбалските клубови Фенербахче и Галатасарај покажаа сериозен интерес за неговите услуги и сакаат да го доведат до крајот на сезоната.

Чалханоглу оваа сезона имаше и големи проблеми со повредите поради што и не го покажа својот полн потенцијал.

Тој оваа сезона за „росонерите“ одигра 20 натпревари, постигна два погодоци и запиша шест асистенции.