Се огласи Ванда: Ако ПСЖ сака да се ослободи од Икарди треба да му исплати многу пари

Tренерот на ПСЖ, Кристоф Галтие отворено му порача на Мауро Икарди дека може да си бара нов клуб, напаѓачот е „отпишан“ и веќе тренира одвоено од првиот тим.

Меѓутоа сега во јавноста се огласи менаџерката и сопруга на Икарди, Ванда Нара која порача дека ПСЖ не може така лесно да се ослободи од Аргентинецот.

„ПСЖ не се ослободил од Икарди, тој има договор уште две години. Тие ќе треба да му исплатат многу пари ако сакаат сега да замине. До вакви ситуации обично доаѓа кога ќе дојде нов тренер со поинакви планови“.

„Не е реткост, ова е честа појава фудбалот затоа има позајмици и трнасфер. Можам да потврдам дека Мауро има понуди од повеќе клубови ширум Европа“, изјави Ванда Нара.