Сензација во Париз: Надал елиминиран во првото коло

Големо изненадување се случи на стартот на последниот Мастерс сезонава во Париз. Шпанецот Рафаел Надал доживеа елиминација уште во првото коло.

Подобар од Надал беше Томи Пол со 2:1 во сетови (3:6, 7:6 и 6:1). Надал добро го започна мечот и првиот сет го доби со 6:3, но потоа следуваше пресврт на противникот. Вториот сет донесе изедначена игра и се решаваше во тај-брејк каде што Пол беше поуспешен.

Во третиот сет Надал целосно се распадна, го загуби својот сервис и Пол поведе со 2:1. До крајот доминираше и со 6:1 славеше победа и приреди голема сензација во Париз.

Претходно во текот на вчерашниот ден елиминиран беше и третиот тенисер во светот, Данил Медведев.