Узбекистанецот Денис Истомин го направи едно од најголемите изненадувања во изминатата деценија на Грен слем турнирите откако во второто коло го елиминира бранителот на титулата и шесткратниот освојувач на Аустралијан Опен, Новак Ѓоковиќ.
Узбекистанецот кој се наоѓа на 117-то место на АТП листата ја оствари најголемата победа во својата кариера и по речиси пет часа игра славеше со 3:2. Истомин е првиот тенисер кој не е меѓу најдобрите 100, а кој успеал да го победи Србинот на некој од грен слем турнирите.
Данска vs. Македонија: Како тие се справуваат со отпадот, додека ние се расправаме кој е крив?
Ѓоковиќ, кој во Мелбурн има шест титули, од кои четири во последните четири години, само во 2008 година испаднал во второто коло на Аустралијан Опен.
„Жал ми е за Новак, но денес играв одлично. И јас сум изненаден од моето издание. Ова е мојата најголема победа, сега се чувствувам дека можам секого да победам“, рече Истомин по мечот на централниот терен во Мелбурн.
Денис Истомин во третото коло ќе игра против Пабло Крењо-Буста.
Учество во игри на среќа е дозволено за лица со 18+ години. Играј одговорно!