Севиља го враќа Андре Силва во Милан

Италијанските медиуми пренесуваат дека раководството на Севиља ќе го врати Андре Силва во Милан на крајот на сезоната.

Напаѓачот е на позајмица во Севиља, а во договорот има клаузула според која шпанскиот клуб може да го откупи на крајот на сезоната за 35 милиони евра.

И покрај фактот што Андре Силва покажува одлични партии во Примера оваа сезона, сепак Севиља нема намера да го откупи неговиот договор и ќе го врати Португалецот на „Сан Сиро“.

Наводно Севиља побарала од Милан „попуст“ при откупот, но „росонерите“ не секаат да слушнат за такво нешто бидејќи во моментов постои голем интерес за Силва од многу европски клубови.

Јасно е дека за Андре Сила нема место на „Сан Сиро“ бидејќи тешко дека ќе се избори за минутажа покрај Пјонтек и Кутроне, па најверојатно на лето ќе биде продаден на друг клуб.

Целата ситуација будно ја следи Барселона, која веќе го информирала Милан дека е заинтересирана за напаѓачот.

„Росонерите“ се спремни да го продадат Португалецот и ја чекаат конечната одлука на Севиља, за да можат да преговараат со заинтересираните клубови.

Доколку Севиља не го откупи Андре Силва, многу е веројатно дека тој ќе се пресели на „Камп Ноу“ за сума од 40 милиони евра, тврди „Мундо Депортиво“.

? After an unbelievable start to the season André Silva could return to Milan, 7 goals in just 10 games André Silva put 2 goals in 18 games. @CorSport pic.twitter.com/aIWlWgru8j

— TeamMilanAC (@TeamMilanAC) March 1, 2019