Рим со вакви резултати нема да види Скудето: Болоња ја победи Рома! (ВИДЕО)

Денес од 15:00 часот во рамките од петото коло во Серија А се одиграа три натпревари.

Најголемото изненадување го приреди Болоња која ја совлада фаворизираната Рома на свој терен со резултат 2:0.

Домаќинот до предност стигна во 36-тата минута кога Матиело со одличен удар го совлада Олсен кој беше немоќен.

Не е дека Рома не создаваше шанси, но изостануваше реализацијата во првиот имаа 10 удари кон противничкиот гол, но и покрај реализација немаше.

Во вториот дел гледавме слична ситуација на теренот, Рома се обидуваше, а Болоња искористи една од ретките прилики. Фалицинели одлично во празно го проигра Сантадер кој доби прилика „еден на еден“ со Олсен и не ја пропушти за конечни 2:0.

После овој пораз Рома ќе остане со пет освоени бодови што е седум помалку од лидерот Јувентус кој вечерва го игра својот натпревар против Фросиноне, па јасно дека иако сме почеток на сезоната тешко дека „волчицата“ ќе има прилика да се бори за Скудето оваа сезона.

Во останатите два натпревари Лацио со 4:1 ја победи Џенова, додека Киево на свој терен беше поразен од Удинезе со 0:2.