Реал Мадрид како замена за Карвахал сака играч на Манчестер Јунајтед?

Реал Мадрид внимателно го следи развојот на одбранбениот играч на Манчестер јунајтед, Диого Далот (25).

Португалскиот фудбалер е посочен како потенцијална трансфер цел за засилување на одбраната на „кралевите“ следното лето, пренесува „Фишајес“.

Реал размислува за нов десен бек, а Далот го гледа како потенцијална замена за Дани Карвахал кој има 32 години.

Всушност, прв избор на Реал за оваа позиција е дефанзивецот на Ливерпул, Трент Александер–Арнолд. Неговата привлечност, сепак, може да испадне доста тешка задача, па „Сантијаго Бернабеу“ размислуваат за други опции и една од нив е Далот.

Далот стекна големо искуство и во Премиер лигата и во Серија А каде настапуваше за Милан, а исто така е репрезентативец на својата земја со 24 натпревари и три голови.