Реал Мадрид го претстави Ѓулер – сонува да стане клупска легенда!

Реал Мадрид денеска и официјално го претстави Арда Ѓулер, а на прес-конференцијата пред новинарите зборуваше и претседателот Флорентино Перез.

Перез му посака добредојде на турскиот тинејџер во славниот шпански клуб, а фудбалерот истакна дека за него и неговото семејство ова е ден за паметење. Ѓулер на промоцијата истакна дека сонува да стане клупска легенда на Реал Мадрид.

Ѓулер во Мадрид ќе го носи дресот со број 24, а тоа значи дека Сезар Валехо во само еден месец вторпат го отстапува својот број. Претходно тоа го направи и со „петката“ која ја избра Џуд Белингам. Валехо сега се одлучи за дресот со број „25“.

👕 @10ardaguler 👕#WelcomeArda pic.twitter.com/7erUFtinY3

— Real Madrid C.F. (@realmadrid) July 7, 2023