Реакција од Ирска: УЕФА е несериозна! Не гледаат ли што се случува во Европа!?

Ирска и Даблин требаше да бидат едни од организаторите на Европското првенство лето, но домаќинството им беше одземено откако не можеа да достават гаранции за исполнет барем четвртина од капацитетот на стадионот „Авива“. Натпреварите кои беа закажани да се играат во Даблин ќе се играат во Санкт Петерзбург.

Даблин беше избран да биде меѓу 12. градови домаќини, но како и Билбао (од истата причина) нема да организираат натпревари летово. Сега од Ирска реагираат и порачуваат дека УЕФА не е сериозна со барањата да има навивачи на стадионите во време на пандемија.

„УЕФА е тотално несериозна! Како може во вакво време да поставуваат услов за организација отворени трибини!? Не гледаат ли што се случува во Европа, во голем број европски земји има зголемена инциденца, а тиа бараат да се вратат навивачи. Овој нивни потег е тотално несериозен и погрешен! Не мислев дека тој услов може да биде реален, но на крајот така излезе“, изјави премиерот на Ирска Мајкл Мартин.