Раул повика на претпазливост: ПИК Сегед е сериозен противник!

Македонскиот и европски шампион Вардар имаше пефектен старт на сезоната во ЛШ, а добрата низа ќе се обида да ја продолжи на гостувањето во Унгарија против ПИК Сегед.

„Секогаш кога се игра против ПИК Сегед е тешко. Така ќе биде и овој пат. Нивниот тренер е навистина добар и тие играат со многу тактика. Досега два пати победивме во Сегед во Лигата на шампионите. Очекувам најтежок натпревар за нас досега. Ако сакаме да успееме мораме да одиграме најдобро, да се подобри нападот. Имаме доверба во нас бидејќи сме прво место, но мора да се вратиме во добра кондиција. ПИК Сегед е најголем противник. Мора да се браниме добро“, изјави тренерот на Вардар, Раул Гонзалес.

Вардар во претходните три натпревари во Лигата на шампионите има исто толку победи, додека ПИК Сегед по стартниот пораз во Нант забележа две победи.

Вардар е поуспешен во меѓусебните дуели, на шесте натпревари со унгарскиот тим има реми, пораз и четири победи.