ПСЖ ќе игра полуфинале во ЛШ после 25 години и откако потроши 1.5 милијарда евра

Францускиот гигант Пари Сен Жермен е првиот полуфиналист во Лигата на шампионите која оваа сезона се игра во еден поинаков формат.

За ПСЖ ова е прво полуфинале после 1995 година, тогаш клубот прв и последен пат со Жорж Веа како напаѓач во тимот успеа да се избори за место помеѓу најдобрите четири екипи во елитата. Две ипол децении во Париз сонуваа за нешто вакво, а успеаа дури откако клубот потроши една ипол милијарда евра.

ПСЖ стана гигант на трансфер на пазарот кога во 2011 година Катарците влегоа во клубот. На чело на ПСЖ седна Насер Ал Келаифи кој не штедеше да изгради тим за највисоки дострели. Најголем бум на трансфер пазарот направија во 2017 година кога потрошија 400 милиони евра доведувајќи ги Нејмар од Барселона за 222 милиони евра и Мбапе од Монако за 185 милиони евра.

After spending $1.42 billion in the last nine years, PSG reach the Champions League semifinal for the first time since 1995 ? pic.twitter.com/ejDAF240mU

— ESPN FC (@ESPNFC) August 12, 2020