ПСЖ тргнува по Лукас Пакета!?

Играчот на Милан, Лукас Пакета се најде на мета на ПСЖ.

Леонардо ова лето од Милан премина во ПСЖ и повторно е спортски директор на францускиот првак, а како едно од засилувањата за новата сезона го гледа Бразилецот, кој токму тој го откри.

Пакета во јануари беше донесен во Милан за 35 милиони евра и уште на првите натпревари за Росонерите покажа дека има квалитет и дека ќе биде голем играч.

Сега, Кориере дело Спорт тврди дека Лео ќе го искористи добриот однос со играчот и финансиските проблеми во Милан за да го донесе Пакета во Париз.

Бразилскиот репрезентативец во Париз ќе пристигне како замена за Адриен Рабио, кој како слободен играч ќе се пресели во Јувентус.

Не е познато колку ПСЖ ќе понуди за Пакета, но сосема сигурно ќе биде повеќе од 35 милиони евра, колку што Милан претходно му плати на Фламенго.