ПСЖ не запира: Сака уште еден француски репрезентативец

Заминувањето на Килијан Мбапе нема да влијае на политиката на Пари Сен Жермен да продолжи да ги собира француските интернационалци.

Минатата година пристигнаа Лукас Ернандез, Осман Дембеле и Рандал Коло Муани, а летово на мета е Ибрахим Конатe.

Стоперот на Ливерпул се мачеше со повреди, но кога е здрав е еден од најдобрите во Премиер лигата.

Луис Енрике баш и не му верува на Милан Шкрињар и размислува за засилување на стоперската позиција, а прва мета е Конате.

Французинот ја напушти татковината како 18-годишник кога од академијата на Сошо отиде во РБ Лајпциг како слободен играч.

Во следните четири години, Конате се разви во вистинска насока во германскиот клуб и потоа следеше голем трансфер вреден 40 милиони евра во редовите на Ливерпул.

Конате оваа сезона одигра 37 натпревари, од кои 22 во Премиер лигата, но и покрај споменатите повреди тој е голема желба на Луис Енрике.

Останува да видиме што ќе каже Арне Слот и дали го гледа Конате како партнер на Вирџил ван Дијк.