ПСЖ во последен момент доведе напаѓач за 95 милиони евра

РАНДАЛ КОЛО МУАНИ (24) е нов играч на ПСЖ. Францускиот клуб за францускиот напаѓач на Ајнтрахт од Франкфурт плати 95 милиони евра фиксно обештетување и се уште непознат износ на бонус.

Во текот на минатата сезона, Коло Муани со своите настапи го привлече вниманието на големите клубови, а во вторникот за германски Скај изјави дека ги известил челниците на Ајнтрахт за неговата желба да се пресели во ПСЖ.

„Би сакал да се преселам во Париз и ова им го кажав на клупските челници. Се надевам и посакувам Ајнтрахт да ја прифати понудата од Париз и да ми го овозможи овој трансфер“, изјави тогаш Коло Муани.