Дома Фудбал Преговорите започнале: Наполи му нуди нов договор на Елмас со поголема плата!

Преговорите започнале: Наполи му нуди нов договор на Елмас со поголема плата!

Елиф Елмас со Наполи е на пат да стигне до првото Скудето на овој клуб уште од времето на Марадона, а иако македонскиот репрезентативец шанса добива како „џокер“ од клупата сепак има солидна сезона.

Веднаш зад Осимен и Кварацхелија, Елмас е трет стрелец со шест гола, а додаде и уште две асистенции. Според последните информации од Италија, Наполи е задоволен од неговите настапи и веќе започнал преговори за продолжување на соработката.

Актуелниот договор на Елмас истекува 2025 години и Наполи сака да го задржи „дијамантот“ и по таа година. Претходно договорот го продолжи Камерунецот, Агниса, па Елмас треба да е следниот.

Елмас во овој момент има плата од 1.5 милиони евра по сезона и со новиот договор би добил зголемување, што е доказ дека во Неапол го ценат учинокот на Македонецот.

За Наполи Елиф игра од 2019 година кога за сума од 16 милиони евра пристигна од Фенербахче на барање на тогашниот тренер Карло Анчелоти. Се поврзуваше Елмас со клубови како Лидс, Бенфика, Борусија Дортмунд…Но, сепак остана во Наполи.

Коментари
Прочитајте поврзани статии
Load More In Фудбал

Проверете

Андора прва на патот на фудбалерките кон повисок ранг во Лигата на нации

Македонските фудбалерки ќе го отворат циклусот во март 2027 со два домашни дуела. Во група…