Првото засилување за Милан пристигна на прегледи!

Милан вчера и официјално се врати во европските натпреварувања, а денес во Милано пристигна првото засилување на „росонерите“ за следната сезона.

Станува збор за дефанзивецот на Виљареал, Матео Мусакио кој утрово пристигна во Милано на медицински прегледи, па се очекува утре и официјално да стави потпис на четиригодишен договор.

Милан за аргентинскиот дефанзивец ќе плати 18 милиони евра и тоа е само првото од серијата засилувања кои ги најавија новите сопственици.