Поранешен фудбалер и тренер на Партизан загина во сообраќајна несреќа

Поранешниот фудбалер и тренер на белградски Партизан, Миоград Јешиќ загина претпладнево во сообраќајна несреќа што се случи меѓу Рума и Јарак во Србија.

Јешиќ ја почна сениорската кариера во редовите на „црно-белите“, каде што играше од 1980 до 1985 година, а потоа се пресели во Турција и настапуваше за Алтај и Трабзонспор, по што направи кам-бек во Партизан.

Тренерската кариера ја почна во нишки Раднички, а ги предводеше и ОФК Белград, Партизан, Сараево, Сфаксиен, Алтај, Славија Софија, Ал Араби, Јангон јунајтед. Беше и на клупата на Бордо во 16 натпревари во кои имаше скор од девет победи, два нерешени исхода и пет порази.