Порака од ракометарите пред реваншот против Фарски Острови

Ракометната репрезентација на Македонија денеска ги продолжи подготовките за реванш натпреварот против Фарски Острови. Пред избраниците на Кире Лазаров в недела е тешка задача бидејќи првиот натпревар во Торшван го загубивме со седум разлика (34:27).

Иако негативата е голема против репрезентација која е во подем и игра одличен ракомет, мундијалскиот сон за нашите момци не згаснува.

Пред натпреварот преку социјалните мрежи тие испратија порака како повик до публиката да дојде во што поголем број на трибините во СЦ „Борис Трајковски“.

„Битката се води до самиот крај, заедно сме посилни“, гласи објавената порака на Инстаграм профил на Ракометната федерација.

Натпреварот се игра во терминот до 20:00 часот.