Поради родененската забава Семедо отстранет од првиот тим на Барселона

Вчера беше објавено дека фудбалерот на Барселона Нелсон Семедо не ги почитувал мерките пред рестартот на сезоната во Примера и поради тоа каталонскиот клуб веќе ги превзема првите мерки.

Семедо не ги почитувал протоколите и присуствувал на родененска забава во ресторан на која присуствувале повеќе од 20 лица и тоа е спротивно од прописите кои ги објави Ла Лига.

Барселона се уште не одлучила дали ќе следува поголема казна за Семедо, меѓутоа тој денес не тренираше со првиот тим и така ќе биде додека не му биде направен нов тест.

Ако не добие дополнителна казна од Барселона и ако тестот му се покаже како негативен тогаш Семедо ќе може да продолжи со нормалните тренинзи со тимот.