Познато кој ќе го замени Нкунку во нападот на Франција

Поради повреда која ја заработи на вчерашниот тренинг, Кристијан Нкунку ќе го пропушти Светското првенство кое стартува в недела во Катар.

Дидие Дшеам беше приморан да повика замена за напаѓачот на Лајпциг. Нкунку се повреди после стартот од Едуардо Камвинга. Нкунку сезонава постигна 17 голови и подели четири асистенции во Лајпциг, се очекуваше да добие шанса и во Катар, сепак тоа нема да се случи.

На местото на Нкунку селекторот Дешам го повика напаѓачот на Ајнтрахт Рендал Коло Муани. Сезонава 23-годишниот напаѓач на Ајнтрахт постигна осум гола и забележа 11 асистенции, па сега доби награда за неговата добра форма.

Франција е една од селекциите со најмногу проблеми со повреди затоа што претходно отпадна Кимпебе, а од поодамна е познато дека Канте и Погба не можат да помогнат.