Познато кој клуб понудил 100 милиони за Фернандез, не е Ливерпул

Њукасл испратил понуда од 100 милиони евра за аргентинскиот играч за врска на Бенфика, Енцо Фернандез, тврди „А Бола“.

Непосредно пред Божиќ излезе информација дека португалскиот клуб одбил слична понуда за една од ѕвездите на Аргентина.

Ливерпул е заинтересиран за Фернандеш, но „црвените“ допрва треба да достават понуда за играчот од средниот ред, иако се тврдеше дека токму клубот од „Енфилд“ понудил 100 милиони евра.

Бенфика е категорична дека нема да го пушти Енцо Фернандез да замине за помалку од неговата ослободителна клаузула од 120 милиони евра.

Интерес за Аргентинецот уште покажуваат клубовите од Манчестер како и Реал Мадрид.