Познато колку ќе отсуствува Даглас Коста

Бразилскиот репрезентативец Даглас Коста нема среќа со повредите откако се пресели во Јувентус во 2017 година.

Коста веќе пропушти скоро 40 натпревари во дресот на „Старата дама“ поради најразлични повреди, а новата ја заработи на натпреварот против Верона минатиот викенд.

Тој го напушти теренот на 20 минути пред крајот, поради проблеми со мускулите и нема да биде на теренот помеѓу 15 и 20 дена.

Тоа значи дека тој сигурно ќе го пропушти натпреварот во Купот на Италија против Милан, кој е закажан за три дена, и средбите во Серија А против Бреша и СПАЛ. Коста ќе биде под знак прашалник и за првиот натпреварот од осминафиналето во Лигата на шампионите против Лион.

Оваа сезона Бразилецот започна само на седум натпревари во сите натпреварувања, а главната причина се бројните повреди.