Горан Пандев полека влегува во залезот на кариерата, но и понатаму капитенот на македонската фудбалска репрезентација игра фудбал на највисоко ниво.
Голема желба на Пандев е со Македонија да се пласира на едно Европско првенство за тоа имаше можност ова лето, но сепак тоа сигурно нема да се случи затоа што собирот на најдобрите европски селекции е одложен за летото 2021 поради пандемијата со коронавирусот.
Секако, Македонија за пласман прво треба да го победи Косово во полуфиналето од баражот за ЕП, па потоа да слави и во финалето против Белорусија или Грузија.
Италијанска „Газета дело Спорт“ пишува дека токму поради ова Пандев нема да ја заврши кариерата на 36 години и ќе го обнови договорот со Џенова. Според информациите клубот веќе му понудил да потпише нов едногодишен договор.
Учество во игри на среќа е дозволено за лица со 18+ години. Играј одговорно!