Падна договор: Шчесни останува во Јувентус до 2024

Како што објавија италијанските медиуми, Шчесни и Јувентус постигнале договор, па наскоро голманот ќе ја продолжи верноста со „старата дама“.

Шчесни ќе потпише договор до 2024 година според кој ќе заработува 7 милиони евра по сезона.

Тој од 2017 година е во Јувентус, а откако си замина Џиџи Буфон во ПСЖ стана прв голман на „бјанконерите“ и е одличен меѓу стативите.

Во тековната сезона тој има 16 настапи на голот на Јуве. Десет од нив се во Серија А, пет во Лигата на шампионите и еден во Суперкупот на Италија.

Раководството е задоволно од неговите настапи и со новиот договор сака долгорочно да го задржи во своите редови.