Дома Останати Кошарка НБА Официјално: Избран начинот на кој ќе се заврши НБА лигата!

Официјално: Избран начинот на кој ќе се заврши НБА лигата!

Управата на НБА лигата донесе одлука и го прифати планот за кој се шпекулираше во претходните неколку дена.

Сезоната во најсилната кошаркарска лига во светот ќе продолжи во формат со 22 тима, а натпреварите ќе се играат во Орландо.

На состанокот 29 членови на одборот гласале „за“, а против бил само еден. Наводно тоа бил претставникот на Портланд. Така сезона ќе продолжи од 31 јули и во неа ќе влезат 16 екипи кои веќе ги држат плеј-оф позициите и шест тимови кои имаат шанса да стигнат од осмата позиција од Истотокот и Западот.

Секој тим ќе одигра по осум натпревари од „регуларниот“ дел од сезоната за да се утврди поредокот за плеј-офот. Доколку на крајот на регуларниот дел од сезоната помеѓу осумото и деветото место во една конференција разликата е помала од четири натпревари ќе се игра „плеј-ин“ за осмата позиција и плеј-оф.

Тимовите кои ќе ја продолжат сезоната се: Бостон, Бруклин, Далас, Денвер, Хјустон, Индијана, Л.А.Клиперс, Л.А.Лејкерс, Мемфис, Мајами, Милвоки, Њу Орлеанс, Оклахома, Орландо, Филаделфија, Финикс, Портланд, Сакраменто, Сан Антонио, Торонто, Јута и Вашингтон.

Коментари
Прочитајте поврзани статии
Load More In НБА

Проверете

Кузма со тројка во последната секунда донесе победа за Лејкерси 🎥

Кошаркарите на ЛА Лејкерси во одличен натпревар го победија Денвер со 124:121. Лејкерси ве…