Откриена главната трансфер цел на Интер

Интер оваа сезона игра одлично како во Серија А така и во Лигата на шампиони, но Спалети сака додатно да го засили тимот во зимскиот преоден рок.

Главна цел на „нероаѕурите ќе биде засилување на средниот ред, а „Скај Италија“ тврди дека прво име на списокот е Цеск Фабрегас.

Шпанецот не добива голема минутажа оваа сезона во Челзи и е спремен да ја промени средината, а олеснителна околност е фактот што неговиот договор истекува на крајот на сезоната.

Проблем за Интер е што за неговиот потпис е заинтересиран и Милан, но „нероаѕурите“ се во предност поради фактот што играат во Лигата на шампиони.

Сепак, доколку најавите за доаѓање на Арсен Венгер во Милан се вистините тогаш „росонерите“ ќе имаат голем „џокер“ бидејќи Фабрегас е во одлични односи со францускиот стратег.