Откриена главната трансфер цел на Арсенал!

Микел Артета денес дебитираше со реми на клупата на Арсенал, а англиските медиуми тврдат дека Шпанецот сака значително да го засили тимот во зимскиот преоден рок.

Со оглед на слабите резултати во есенскиот дел од сезоната, јасно е дека Артета ќе сака да го засили тимот во зимскиот преоден рок, а „Мирор“ тврди дека главна трансфер цел на „топџиите“ ќе биде напаѓачот на Лион Муса Дембеле.

Дембеле е централен напаѓач кој може да игра и на крилните позиции, па би требало да биде замена за Лаказет, кој е на излезна врата од тимот.

Оваа сезона Дембеле постигна 10 гола на 18 натпревари во француската Лига 1, но Лион сигурно нема лесно да се откаже од него.