Оскар за трансферот во Кина: Не сакав на старост да бидам сиромашен и да живеам од сеќавања

Во зимскиот преоден рок во 2017 година најголемото изненадување го приреди Бразилецот Оскар кој го напушти Челзи во моментите кога играше фантастичен фудбал и се пресели во Кина.

Оскар не размислувал многу за понудата и никогаш не ја криеше причината поради која се пресели во Кина. Трансферот тогаш изнесуваше околу 60 милиони евра, додека Оскар си обезбеди 20 милиони евра годишна плата.

„Кина има неверојатна финансиска моќ и некои понуди не можете да ги одбиете. Доаѓам од сиромашно семејство, ова се плодови на мојата работа и поради таквиот договор се чувствувам како победник. Не сакам во староста да бидам сиромашен и да живеам од сеќавања“, изјави Оскар.

Денес Оскар е во Шангај Порто и има договор уште три години. Во 161 настап за кинескиот тим има 48 голови и 90 асистенции, а ја освои и титулата шампион во 2018 година, како и купот една година потоа.