„Ол-Стар“ натпреварот ги исполни очекувањата, Кари постави рекорд 🎥

Најдобрите кошаркари на денешницата во Кливленд изминатата вечер го одиграа „Ол-Стар“ натпреварот.

Тимот на Леброн Џејмс го победи тимот на Кевин Дурант со резултат 163:160. Токму Џејмс беше тој кој го одлучи победникот на крајот. МВП на натпреварот беше Стеф Кари кој постигна 50 поени. Најдобриот шутер на денешницата погоди и 16 тројки што е нов рекорд.

Кога натпреварот се решаваше Јанис Антетокумпо од едната и Леброн од другата страна беа клучните играчи, на крајот поуспешен беше „кралот“. Гркот го заврши мечот со 30 поени и 12 скокови. Треба да се издвои и учинокот на Џоел Ембид кој имаше 36 поени и 10 скокови.

Лука Дончиќ настапи за победничкиот тим со скромен учинок од осум поени, додека Никола Јокиќ постигна десет и додаде уште девет скокови и осум асистенции. Во последната четвртина српскиот кошаркар не играше.