Обамејанг: Не ми е јасно зошто сум суспендиран!

Германските меидуми вчера пренесоа информација дека Борусија Дортмунд го суспендирала Пјер Емерик Обамејанг, а веста потоа ја потврди и самиот клуб.

Обамејанг беше суспендиран и во ноември минатата година поради дисциплински мерки, бидејќи без знаење на клубот заминал во Милано.

Меѓутоа, напаѓачот сега тврди дека не знае која е причината за суспензијата овој пат.
„Не е вистина дека сум закаснил на тренинг. После моето патување во Милано можев да ја разберам суспензијата. Овој пат навистина не ми е јасно зошто сум суспендиран“, изјави Обамејанг.

Габонецот поради суспензија ќе го пропушти мечот против Штутгарт, а оваа сезона на 17 натпревари има постигнато 15 гола во сите натпреварувања.