Габонскиот напаѓач Пјер-Емерик Обамејанг го собори рекордот на Тиери Анри и стана играчот кој најбрзо постигнал 50 голови за Арсенал во Премиер лигата.
Поранешниот напаѓач на Борусија Дортмунд постигна два гола во вчерашнатап обеда на Арсенал против Норвич од 4:0 и на тој начин дојде до бројката од 51 гол во Премиер лигата.
Традицијата продолжува, се трансформира - Pinko Crafts ↓↓↓
Овој учинок Обамејанг го оствари после 79 натпревари, додека Анри тоа го направи за 83 натпревари.
Кога ќе се земе во предвид целата Премиер Лига Обамејанг е на шестата позиција. На првото место е Енди Кол, поранешниот напаѓач на Њукасл и Манчестер Јунајтед кој 50 голови постигна на 65 натпревари.
Навивачите веројатно не се радуваат премногу затоа што Габонецот влегува во последната година од договорот. Неговата иднина засега не е позната, меѓутоа изгледа како да е поблиску да го напушти клубот.
Инаку, сезонава Арсенал во овој момент се наоѓа на седмата позиција.
Учество во игри на среќа е дозволено за лица со 18+ години. Играј одговорно!