Ништо од трансферот: Арнаутовиќ го продолжи договорот со Вест Хем!

Марко Арнаутовиќ ги расчисти сите дилеми и донесе конечна одлука за неговата иднина во Вест Хем Јунајтед.

Австрискиот репрезентативец имаше богата понуда од Кина и го замоли раководството да му дозволи трансфер. „Чеканите“ не сакаа да се откажат од него, па решија да му понудат нов, побогат договор.

На крај Арнаутовиќ реши да ја прифати понудата и стави потпис на нов договор со Вест Хем до 2023 година.

„Сакам да им порачам на навивачите дека сум среќен да останам и ќе бидам среќен што ќе играм за Вест Хем, да постигнувам голови и да асистирам. Сепак, исто така сакам да дадам до знаење дека никогаш не сум одбивал да играм и тренирам и никогаш нема да го сторам тоа. Мило ми е што клубот се подобрува и што и да се случи, Вест Хем ќе има место во моето срце. Јас сум подготвен“, истакна Арнаутовиќ преку специјално соопштение.

BREAKING: @WestHamUtd striker Marko Arnautovic has signed a contract extension and says he "never refused" to play or train #SSN

More on Transfer Centre LIVE! https://t.co/MxHv5chQ13 pic.twitter.com/et1ZCektRb

— Sky Sports News (@SkySportsNews) January 26, 2019