Никола Калиниќ повторно ќе игра во Серија А

Хрватскиот напаѓач Никола Калиниќ ќе се врати во Серија А, но не во екипата на Торино како што се најавуваше.

Имено, Калиниќ е блиску до договор со Верона која од клупата ја предводи Иван Јуриќ.

Калиниќ така после две години ќе го напушти Атлетико Мадрид. Последниот период тој го помина во Рома на позајмица. Еден дел од кариерата помина во Фиорентина и Милан што значи дека добро го познава италијанскиот фудбал.

Официјализација на трансферот се очекува многу брзо.