Не е само Ибра, уште две ѕвезди пристигнуваат во Милан

Италијанскиот гигант Милан катастрофално ја отвори новата сезона и моментално се наоѓа на 14-то место, па јасно е дека на „росонерите“ им се потребни засилувања во јануари.

Раководството на Милан е активно и веќе направи листа од потенцијални засилувања, а прв на списокот е Златан Ибрахимовиќ. „Росонерите“ веќе започнаа преговори со Раиола и му презентираа првата понуда, но Ибра најверојатно нема да биде единственото засилување.

Италијанските медиуми тврдат дека Милан работи на уште две големи засилувања, а станува збор за Немања Матиќ и Лука Модриќ.

„Росонерите“ се во потрага по искусни фудбалери, а на двајцата им истекува договорот на крајот на сезоната, па тоа би требало да ги олесни трансферите на „Сан Сиро“.

„Матиќ е желба  на Милан бидејќи може да донесе физичка сила и динамика во средниот ред, додека Модриќ е сон уште од летото и Бобан прави се за да го донесе во Милано“, пишува „Газета дело Спорт“.