„Не би се изненадил ако овој договор на Јокиќ е последен во неговата кариера“

Српскиот кошаркар Никола Јокиќ го продолжил договорот со Денвер нагетс на уште пет сезони, па така ќе остане во тимот до 2028 година, а многумина сметаат дека потоа ќе ја заврши кариерата во НБА-лигата.

Јокиќ за тие пет сезони ќе добие 264 милиони долари, а со останатите две години од актуелниот договор му следат повеќе од 300 милиони.

„Не би ме изненадило ако ова е последниот НБА-договор во кариерата кој го потпишал. Да биде јасно, ова не е некоја вест. Само го споделувам моето мислење за нешто што се зборуваше претходно“, вели американскиот новинар Адам Мареш.