![](https://sportski.mk/wp-content/uploads/2023/10/Screenshot-2023-10-02-102531-850x491.jpg)
Ракометниот натпревар од Првата лига од Б групата (второ по ранг натпреварување) помеѓу Радовиш и Партизан Гевгелија го привлече вниманието на македонската ракометна јавност.
Имено, овој натпревар ќе се памети по големиот број постигнати голови. Средбата заврши со резултат 56:36. Така во 60 минути двете екипи успеаа да постигнат дури 92 гола што е навистина многу.
Лига Нации: Се освен прво место ќе биде катастрофа за Македонија! ↓↓↓
Нема официјална информација, но ова многу веројатно може да е ракометниот натпревар со најмногу постигнати гола одигран во Македонија.
Ако се пресмета просекот, голови се постигнувале на секои 40 секунди. Со оглед на резултатот и не е чудно што дури четворица ракометари од двата тима имале двоцифрен број на голови.
Зоран Стојановски и Иванче Ончев постигнаа по 10 за радовиш, додека Васил Зајков и Ѓорѓе Банцалиски со 14, односно 10 беа најефикасни во составот од Гевгелија.