На Занети не му се допаѓаат споредбите на Меси и Марадона

Аргентина во Катар стана нов светски шампион по пауза од цели 36 години, за Меси ова беше прва светска титула во кариерата, а трета за Аргентина.

За многумина Меси беше во сенка на Марадона затоа што се бараше од него и најголемиот успех со репрезентацијата.

Се до Мундијалот во Катар Меси не успеваше да ја одведе селекцијата до светскиот трон, претходно изгуби и едно финале против Германија во 2014.

Меѓутоа легендата на Интер, Хавиер Занети не се согласува дека Меси сега го надминал Ел Пибе.

„Таквата споредба воопшто не ми се допаѓаме. Мораме да бидеме благодарни што двајцата најголеми играчи во историјата се Аргентина.

Според мене Меси не се промени, освен што сега е позрел и успеа своето лидерство да го пренесе на остатокот од тимот“, изјави Занети.